Share Your Love!

Santi Sixto – Kabanata 11

Aywan kung dahil huli sa balita ang mga taga-San Simon, hindi naman pinapansin ng mga tao si Marissa, akala siguro ay isa lamang ordinaryong dayuhan na naligaw sa maganda nilang lugar.

Walang kangiti-ngiti si Marissa nang lapitan na ni Sixto.

“Pinatatawag mo raw ako,” sabi ni Sixto. Alam niyang marunong mag-Tagalog ang anak ng pilantropong Kano.

“We have things to settle, sit down.” Utos iyon ng dalaga, hindi mababa ang tono.

“As far as I’m coneerned, wala akong atraso sa iyo, Miss Johnson.”

“As far as my ego is concerned, ininsulto mo ako, Mr. Delos Santos. Sino ka ba para magsuplado sa akin? You are not even great like your two brothers.”

Namula ang mukha ng binata. Siya naman ang labis na nainsulto sa ulos ng kausap na banyaga.

Ano ang karapatan ng babaing ito na itulad siya sa dalawa niyang kapatid na parehong hilig magpasikat sa buong mundo?

Hindi ba alam ng babaing ito na siya ay great din in his own right? Sa sarili niyang paraan ay dakila siya, alam ni Sixto.

Dakila siya dahil hindi siya naging obsessed sa materyal na bagay. Hindi niya ginawang Diyos ang dolyar ng mga Kano, iyon ay kadakilaan.

Dakila ako dahil kaya kong pigilin ang nag-aalpas kong pagnanasa sa babaing ito, sa Marissa Johnson na ito, in favor of my dream of a peaceful life.

Dakila din daw siya, sabi pa ni Sixto sa sarili, dahil siya ay hari ng sarili niyang kagustuhan. Ayaw niyang tumulad kina Gabriel at Abraham, siya ang nasunod.

Gusto niyang gawing model farm ang lupain niya sa tabi ng Santiara, kahit pa halos hindi siya kikita, siya ang masusunod. Iyon parin kadakilaan ko.

“Humingi ka ng tawad sa akin, Mr. Delos Santos, kung ayaw mong sampalin kita.” Pinaiiral ni Marissa ang galit. Hindi niya papansinin ang damdaming naggugumiit sa kanyang puso. Na ang binatang kamukha ni Jonathan ay may mga labing alam niyang masarap ding humalik, gaya ng yumaong nobyo.

“Excuse me?” Kumunot ang noo ng binata. “Gusto mong humingi ako ng sorry, Miss Johnson? You are asking for the moon.”

Mga Pahina: 1 2 3

5 responses to “Santi Sixto – Kabanata 11”

  • 1 dionabeth says:
    November 20, 2009 at 12:20 pm

    bakit namn gnun ang bitin ng kwento at sobrang ikli…. ay ano ba yan…

  • 2 marlie says:
    November 20, 2009 at 12:33 pm

    oo nga ang bitinnnnnnnnnnnnnnn! nakaka thrill na man to

  • 3 eizzy says:
    November 20, 2009 at 1:06 pm

    uu nga sobrang biitiiiiiinnnnnext po plzzz..ty

  • 4 lumen says:
    November 20, 2009 at 1:36 pm

    palagi na lang 2ng bitin….nxt chapter plssssssssssssssssss

  • 5 hanna says:
    November 20, 2009 at 4:37 pm

    hay bitinnnnnnnnnnn talaga sana toluy2x……….

Mag-iwan ng mensahe...