Share Your Love!

Santi Sixto – Kabanata 16

Ngayon ay nasa tabi na ni Bernardo II si Santi Sixto.

“Tutoo ka nga! Hindi lang isang malikmata!”

Parang walang narinig si Santi Sixto. Marami pang kopya ang hindi nadidilaan ng apoy at hindi nakaligtas sa kanyang mga matalas na mata ang mga pahina na pamilyar sa kanya.

Binalingan niya ang namumutlang si Bernardo II. “Pauwi na sana ako sa Santiara nang matawag ang pansin ko sa napakalaking apoy na ito. Akala ko ay nasusunog na ang inyong gate. Nagsisiga ka pala, na tuwang-tuwa. Lahat ba iyan ay Global Weekly na iisa ang issue, noong ako ang coverboy?”

Umilap ang mga mata ni Bernardo II, tumanggi kaagad. “Hindi!”

“Hindi ako tanga.”

“Mga lumang diyaryo at magasin lang iyan!”

“Na ikaw pa mismo ang nagsiga at para kang gagong tuwang-tuwa?”

“Pakialam mo ba?” Nakatagpo ng konting katapangan ngayon si Bernardo II.

Dumilim ang anyo ni Santi Sixto. “Ano ba ang atraso ng mga taga-Santiara sa inyo, ha, Bernie Jr?”

Ngumisi kaagad si Bernardo II. “Hindi mo alam ang kuwento ng tatay ko at ng nanay mo?”

Hindi na nagtaka si Santi Sixto, hindi naguluhan. “Alam ko na.”

Nanlaki na naman ang mga mata ni Bernardo II. “Iyung tungkol sa isang gabing sipingan at pagbawi ng Santiara ng mga magulang mo sa amin?”

“Oo. May teynga ako, may isip. Alam ko na, Bernie Jr.”

Napasmid si Bernardo II. “Dapat ay hindi ka arogante at mayabang. Alam mo pala ang pangit na sikreto ng mother mo. Bakit ba kayong mga taga-Santiara ay habulin ng mga babae?”

Umangat lang nang buong kaaristokratuhan ang dalawang kilay ni Santi Sixto. “Ikaw ang nagsabi niyan, hindi kami.”

“Pati ang anak ng multi-milyonaryong dayuhan ay nabaliw pa sa iyo!”

“Huwag mo siyang idamay dito.” Ngayon gustong manuntok ni Santi Sixto.

Mga Pahina: 1 2 3

7 responses to “Santi Sixto – Kabanata 16”

  • 1 chedy says:
    November 30, 2009 at 12:43 pm

    chapter 17 plzzzzzzzzzz… nabibitin kami sa story’ tnx

    • 2 Ben says:
      December 1, 2009 at 8:57 pm

      may nagu-update ba nito? bitin e….nyhehehe…

  • 3 brokelyn14 says:
    November 30, 2009 at 1:40 pm

    pakihabaaan nman pLs yung storyyyy 🙁 nakaka biiitiiin 🙁 … THANKS PO !!

  • 4 eizzy says:
    November 30, 2009 at 8:11 pm

    oh my oh my..nakakabitin naman…chapter 17 po plzzz…tnx ssooooo much

  • 5 dionabeth says:
    November 30, 2009 at 9:14 pm

    ang bitin nmn po ng kwento nya.next chapter na pls

  • 6 lumen says:
    November 30, 2009 at 9:39 pm

    bitin po ako sa kuwento nyo pakihabaan nman po nxt chapter pls tnx po?

  • 7 Ben says:
    December 1, 2009 at 9:00 pm

    ala na ba?

Mag-iwan ng mensahe...