Share Your Love!

Loved By The Rules – Kabanata 6

“SIGE na, minsan lang naman magkakaroon ng piyesta dito sa atin, sumali ka na. Sagot naman ni Mayor ang damit ng kandidata, ano? Kahit singko ay wala kang gagastahin, pati na make-up. Saka sayang din ang premyo na sampung libong piso. Hindi mo mapupulot sa dagat iyon kahit magdamag at maghapon kang mamalakaya, ano?” pangungulit ni Rita kay Jackie.

“Alam ko! Pero ano ka ba naman? Paano akong mananalong mutya ng dagat, kung ang makakalaban ko ay mga anak ng kapitan sa mga katabing barangay na may perang magagasta? Isa pa, ang itim-itim ko na, o! Kahit siguro ako make-up-an, hindi ako puputi!”

“Gaga! Akala mo lang iyon. Kahit na kayumanggi ka, ang ganda-ganda mo pa rin, ano? Lalo na kapag naayusan ka na ng kaibigan nating bading na si Michelle. Naku, tiyak na bobongga ang beauty mo. Tiyak na ikaw ang mananalo.”

“Alam mo, naguguluhan ako sa iyo. Kapag nag-iilusyon ako na magkakaasawa ng mayaman, sinasaway mo ako, ngayon naman, pinipilit mo akong mag-ilusyon na mananalo akong mutya ng dagat. Ano ka ba?”

“Sira! Iyong pangarap mo noon, medyo imposible talaga. Pero ang manalo kang mutya ng dagat, mas posible iyon. Alam mo kung bakit? Dahil kilala ko na kung sinu-sino ang mga sasali! At sigurado ako, ikaw ang pinakamaganda sa kanilang lahat. Saka nakalimutan mo na ba? Palagi ka ring nanalong muse sa school natin noon, hindi ba?”

“Ganoon?” natigilan naman siya sa sinabi ng kaibigan.

“Oo, ganoon.”

Napaisip si Jackie, oo nga naman, sayang ang sampung libong piso na premyo, bukod pa sa may makukuha rin namang consolation prize ang hindi mapipili.

Saka… sayang talaga ang sampung libo, malaking bagay na iyon, puwede nang magbukas ng maliit na tindahan ang nanay niya para hindi na ito maglabada.

Sa huli, nakumbinsi siya ni Rita na pumayag na.

“DAMN!” mainit ang ulong nilamukos ni Dominic ang business letter na ipina-compose niya kay Mrs. Jacob.

“S-sir, hindi ninyo nagustuhan?” maang na tanong ng may edad ng kalihim.

Mga Pahina: 1 2 3 4

5 responses to “Loved By The Rules – Kabanata 6”

  • 1 rayne says:
    July 31, 2009 at 4:02 pm

    thanks for the upload…still waiting for the new chapter tomorrow…..nakkatuwa ang story….

  • 2 Godes says:
    July 31, 2009 at 8:42 pm

    aayyy grabee ang gaaaaaaanndaaaaaa!!!!
    and thanks sa pag upload agad… wwaaahh sana bukas ulit…. kabitin tlaga…

  • 3 niekk0h says:
    July 31, 2009 at 11:45 pm

    nice st0ry!,.i l0ve reading l0vest0ries lalo n s mga ganit0ng st0ry.,haays kabitin!.1st tym q plang nvisit 2ng website n 2.,ngandahan nq.,ang ganda tlga!..cant w8 2read d nxt epis0de..hehe!, upload nio na plzz!!

  • 4 "RM20" says:
    November 2, 2010 at 12:37 pm

    Gbe pkganda p0h ng pganda yung st0ry ni0. P0h hehehe. . . . Tp0x ang lakax ng l00b nung jackie. . . . .dhl xa xinvi nia xa b0y nagkat0t00. . Iy0n. . Hehehe. . Ayie. .

  • 5 lanelyn says:
    December 9, 2010 at 3:03 pm

    ireally like the story its makes me crazy!!!!!!!

Mag-iwan ng mensahe...