The Neighbors – Kabanata 2
GALING sa restroom at pabalik na sa office table, napatigil si Mrs. Rina Santos sa tabi ng computer desk ni Liza nang umagang iyon ng Martes, pangalawang araw ng Mayo.
“Liza, ngayon ko lang napansin, ang ganda ng bago mong singsing, a!”
Napatigil sa pagtipa sa keyboard si Liza. “A, ito ho?”
“Oo. “Laki ng bato. Ang mahal siguro nyan.”
Pangiting sumulyap siya kay Divie, ang bago nilang section chief. Pagkuwa’y ibinalik niya ang tingin kay Mrs. Santos.
“Ito ho iyong regalo ni Sammy kay Divie,” aniya. “Ayaw ho niyang isuot e ang ganda-ganda. Kaya hinihiram ko muna. Saka… ako ho ang pinagsuot niya nito nang nasa Baguio pa kami last Holy Week. Kasi, maluwag sa daliri niya at baka raw mahulog sa pagdya-jogging namin doon.” Tumingin uli siya sa kanilang bagong office supervisor na ang desk ay nasa gawing kanan niya. “Di ba, Boss Divie?”
“Oho, Aling Rina,” nakangiting tango ni Divie. “At isa pa… binigyan na ho ako kahapon ni Rad ng engagement ring. Look… it’s simplier. Hindi gaanong malaki ang diamond.”
Napatawa si Mrs. Santos. “Simple ka lang talaga, Divina. Hayy… kawawang Engr. Cuervas! Nasayang lang ang mga iniregalo niya sa ‘yong basket-basket na mga roses, bila-bilaong pansit palabok… at napornada pa pala ang kanyang engagement ring.”
Napahagikhik si Liza.
“Asang-asa na siyang magiging nobya ka niya, Divie,” dugtong pa ni Mrs. Santos. “Kung bakit naman nagbakasyon lang kayo nina Rado sa Baguio… kayo na ang nagkamabutihan.”
Nag-blush ang magandang section chief. “Aling Rina, sa umpisa pa lang ho naman e wala talaga akong gusto sa Engr. Sammy Cuervas na ‘yon.”
“E bakit mo naman tinanggap ang singsing?”
“Ayaw ko nga hong tanggapin ang engagement ring na yan. Pero siya ho ang mapilit, e. Sabi pa nga ho niya, ‘It’s just a ring. A friendly ring or an engagement ring. Depends upon you.’ E di tinanggap ko na rin ho para naman hindi siya mapahiya.”
“Kawawa naman.”
“E talaga hong gano’n ang buhay,” ani Liza. “Kasabihan nga ho e… kung hindi sa ‘yo ukol, hindi bubukol. Hindi ho talaga sila ang magkapalad ng kaibigan ko, Aling Rina.”
Nagustohan mo ba ang kwento na ito? Kung ang sagot mo ay "Oo", bakit hindi mo ipakita ang iyong suporta sa website na ito?
Halika at ipakita ang iyong pagmamahal sa pamamagitan ng iisang munting donasyon na galing sa puso. Ang lahat po na matatanggap na donasyon ay gagamitin po sa taunan at buwanang budget para sa pagre-renew ng domain name taon-taon, website hosting, at sa monthly maintenance.
Maraming salamat po at sana'y kiligin pa kayong lalo sa mga kuwentong talagang nakaka-inlab!
♥ Tagapangasiwa ♥
Mag-iwan ng mensahe...
You must be logged in to post a comment.
6 responses to “The Neighbors – Kabanata 2”
August 7, 2009 at 11:19 am
sana may nxt chap na….maaaaaaaaaganda..
August 7, 2009 at 11:39 am
can’t wait for the next chap…^^
January 17, 2010 at 5:54 pm
mgandA sNa
kYa lNg pOh hNDi
ntaPoS, . .
hOpE nA mtpOs nA tO. . . !!!!
hE6x sLmat pOh!!
February 11, 2010 at 4:49 pm
hehe.. nice story po.. pero di ko pa po tapos..
di bale.. balik na lang ako ulit..
hehe
April 10, 2010 at 1:12 pm
Boring.
May 10, 2010 at 8:55 pm
Laluu true ?? Legacy of Ring .. hehehehehe .