Share Your Love!

The Neighbors – Kabanata 4

“ENGR. CUERVAS…!”

Hindi narinig ni Sammy ang papalapit na foreman. Nang madaling-araw na iyon, pangalawang linggo na ng Mayo, inoobserbahan niya ang paglalagay ng prefab concrete railing sa ginagawa nilang isang tulay sa Paniqui, Tarlac.

“Engineer…!”

Hindi pa rin niya napapansin ang foreman. Nakatayo siya sa itaas ng isang malaking bato, di kalayuan sa crane na pinalusong niya sa dahilig na pampang ng mabatong ilog.

Sa pamamagitan ng mahabang boom, isa-isang binubuhat ng crane mula sa ibaba ng tulay ang mga concrete slabs tungo sa gilid ng tulay. Sa ibaba ng tulay ginawa ang mga slabs.

Nasa tulay ang portable generator na pinagmumulan ng kuryenteng nagpapailaw sa malalaking bombilyang nagbibigay ng liwanag sa buong project site.

Sa generator din nakakabit ang tatlong welding machines na gamit nila sa paghihinang ng mga bakal na reinforcement ng mga slabs at maging ng tulay mismo.Nakasisilaw ang tumitilamsik na liwanag mula sa harap ng nakamaskarang tatlong welders. Parang mga itim na kaluluwang naglisaw-lisaw sa tulay ang iba pang manggagawa.

Namputsa… ang bagal! lihim niyang pagmumura. Kapag di kami nakatapos bago mag-alas-singko ng umaga, tigil na naman ang trabaho. Mumurahin ako ni Dante kapag na-delay na naman ang pagbabakod sa tulay na to!

“Engr. Cuervas…!” sigaw ng kapatas na nakalapit na sa boulder na tuntungan ni Sammy.

“Sandali lang ho, Boss…!”

Napalinga siya sa lalaking tulad niyay may dilaw na construction helmet sa ulo. Ibinaba niya ang zipper ng kanyang itim na jacket at tumalungko sa ibabaw ng bato para marinig ang sinasabi ng foreman. Maingay kasi ang makina ng crane.

“Ano ho yon, Mang Boy?” pasigaw niyang tanong.

“Nagrereklamo’ng mga welders,” sigaw rin ng foreman. “Mali yong idineliber na mga welding rods… pang-asero kasi at hindi pangbakal! Nahihirapan silang magpakapit!”

Anak ng tokwa naman! “Bakit di n’yo muna ininspeksiyon kaninang nasa kabayanan pa tayo?” inis niyang sigaw. “Tawagin n’yo si Godo Melaya …” Dinukot niya sa bulsa ng jacket ang susi para sa ginagamit niyang dilaw na pick-up van na pag-aari ng kompanya. Initsa niya sa foreman ang susi. “Palitan nyo ngayon din ang mga welding rods!”

Mga Pahina: 1 2 3 4 5 6

6 responses to “The Neighbors – Kabanata 4”

  • 1 bunny says:
    August 26, 2009 at 11:49 am

    aba…………… i love it
    ate pakituloy na po ito asap
    kinikilig ako
    feeling ko sya ang meant para sa singsing kaya
    ayaw matangal
    jajaja
    >.<

  • 2 sylvanna says:
    August 29, 2009 at 2:23 am

    finally, may continuation na din ulit. ang tagal ko hinintay. sana tuloy tuloy na. thanks.

  • 3 ycen says:
    November 4, 2010 at 2:44 am

    amf ang ganda na sana. kaya lng bkit ganon?.. its been a year.. and still this story isn’t finish yet?.. (sigh)

  • 4 ycen says:
    November 4, 2010 at 2:53 am

    awe! to the writer im sorry.. it was my bad.. i didn’t notice my lt hanged.. axactly at the part where it says,.. ITUTULOY.. thats y i thougj it wasn’t finis yet.. im sorry. peace! ^_^

    • 5 jennysweety_21 says:
      December 29, 2011 at 12:59 pm

      may next kabanata po..

  • 6 pazawaiy_19 says:
    January 7, 2012 at 11:50 am

    uhmf. . .i thnk mAganda
    aman to . .mixed w/ comedy
    kaxo parang over aman sa
    details heheh. , ;)

Mag-iwan ng mensahe...